Extra – 10 juni 2013:
WILLEMSTAD.- Broeder Rigobertusschool resientemente a risibí un kantidat di material di deporte serka Fundashon Bicentini. “Muchanan ku ta tin muchu peso pa motibu di falta di movishon of ku ta menasá di subi e kaminda robes, ta asuntunan ku kua mester atendé”, segun Remo Bicentini dje fundashon. Relashoná ku e dos temanan ei, e fundashon a elaborá un proyekto ku ta dirigi riba deporte i responsabilidat di tantu e muchanan komo mayornan. E siman aki a duna inisio na e proyekto na Skol Alablanka. Ku Kolegio Chaya Willems i Fatimaschool tambe a hasi algun palabrashon. Remko Bicentini a splika ku di un banera ta stimulá e muchanan pa hasi deporte i biba mas salu, mientras ku di otro banda ta mustra e muchanan i nan mayornan riab na responsabilidat pa ku komunidat. “E kos ta pa e muchana tin un hobi i pa nan kita for di riba kaya. “Den tipo di proyekto asina’ki e kontinuashon ta
importante”, segun Bicentini a duna di konosé. Klinikanan di futbol ta forma un parti importante dje trabounan di Fundashon Bicentini. E muchanan ta keda premiá ku un medaya i ta risibi material pa training i tambe for di kua nan por siña. Fundashon Bicentini durante di su estadia na Korsou lo bishita e diferente skolnan i barionan pa duna klinika na hobennan.
