Extra – 15 juni 2013
WILLEMSTAD.- Kolegio Chaya Willems a gana e trofeo 2013 di Fundashon Bicentini komo rekonosimentu pa e trabou ku e dosentenan ta hasi ku e muchanan riba tereno di deporte. Chaya Willems i Kolegio Sur Herman Joseph ta risibí material di deporte di parti dje fundashon, pero tambe konosementu i guia di manera ku por hasi aktividatnan di deporte. Huntu ku tur e maestronan di Chaya Willems a tene un klínika riba deporte, durante kua a mira kon e maestronan ta guia e muchanan. “Inkreibel e ‘drive’ dje maestronan”, segun Remko Bicentini. Ku e esfuerso di parti dje maestronan, e muchanan kada bes tabata mas motivá pa purba gana e trofeo rotativo di Fundashon Bicentini. Treshen mucha a batayá pa esaki i finalmente klas 4C a bira e ganadó grandi. Nan tabata bou di guia di yùfrou Gaari. Tambe a mira i ‘judge’ e muchanan riba esfuerso, deportivismo, komportashon sosial, etc. Tur e muchanan mester a hasi 10 diferente aktividat di deporte. Tur e muchanan a hasi nan esfuerso, pero den esaki tambe a skohe esun mas sobresaliente ku a resultá di ta Juan Camilo. Pero no ta Juan Camilo so, sino hinter su tim a traha duru. Camilo ta siegu, pero ku yudansa i estímulo di su kompañeronan di ekipo e por a hasi tur kos. Komo dosente di 2013 a skohe yufrou Natasha di 6C. Ta traha un rapòrt dje dia i lo diskutí esaki ku e maestronan, di manera ku nan por papia ku otro riba e kosnan positivo i negativo. S e g u n B i c e n t i n i , mester mira e totalidat komo un manera di ‘train e trainernan’, pero na skolnan.
